ભાવનગર: ઘોઘા રોડ પરથી લાખોનો બિયર ઝડપાયો, 2 જેલહવાલે
ભાવનગર LCBનો સપાટો: ટ્રકમાંથી 22 પેટી બિયર ઝડપાયો, 2 પકડાયા
ભાવનગર પોલીસને દારૂબંધીના કડક અમલ માટે સફળતા મળી છે. LCB અને પેરોલ ફર્લો સ્ક્વોડ પેટ્રોલિંગમાં હતી ત્યારે ચોક્કસ બાતમી મળી હતી કે અશોક લેલેન્ડ ટ્રકમાં દારૂનો જથ્થો ઘોઘા બાજુથી આવી રહ્યો છે. પોલીસે ઘોઘા ગામની કસ્તુરબા હોસ્ટેલ પાસે જાળ બિછાવી હતી.
જેવી શંકાસ્પદ ટ્રક ત્યાં આવી પહોંચી, પોલીસે તેને રોકીને તલાશી લીધી હતી. અંદરથી ટ્યુબorg અને હેવર્ડ્સ 5000 જેવી બ્રાન્ડના 22 પેટી બિયરના ટીન મળી આવ્યા હતા. કુલ 528 નંગ બિયરના ટીન જેની કિંમત સવા લાખ જેવી થાય છે, તે જપ્ત કરાયા છે. સાથે જ 10 લાખની કિંમતની ટ્રક પણ કબજે લેવાઈ છે. આમ પોલીસે કુલ 11 લાખ 24 હજારનો મુદ્દામાલ સીઝ કર્યો છે.
પોલીસે ટ્રક સાથે રહેલા વિશાલ વિનુભાઈ શેખ (રહે. ગુંદાલા, શિહોર) અને મહેશ બાલાભાઈ ખમલ (રહે. કરદેજ)ની ધરપકડ કરી છે. આ બંનેની પ્રાથમિક પૂછપરછમાં સામે આવ્યું છે કે આ જથ્થો મહારાષ્ટ્રના અહમદનગર રોડ પર આવેલી કરસેટજી વાઈન શોપના વિષ્ણુભાઈ અને પીંપલનેરના મહેશ ગલાણીએ મોકલાવ્યો હતો. પોલીસે આ બંને વોન્ટેડ આરોપીઓ વિરુદ્ધ ઘોઘા પોલીસ સ્ટેશનમાં પ્રોહિબિશન ધારા હેઠળ ગુનો નોંધી કાયદેસરની કાર્યવાહી હાથ ધરી છે. મહારાષ્ટ્રથી ટ્રક મારફતે આવતો આ જથ્થો કોને પહોંચાડવાનો હતો તે દિશામાં પોલીસે તપાસ શરૂ કરી છે.
સમાચાર માટે જોડાઓ અમારા WhatsApp ગ્રુપ સાથે https://whatsapp.com/channel/0029Vb6fknQ89inqYaFp2b3l
