સાવલી: સ્વિફ્ટ કારમાંથી ૪.૫૧ લાખનો દારૂ ઝડપાયો
સાવલી પોલીસનો સપાટો: વસંતપુરામાંથી વિદેશી દારૂ ઝડપાયો
વડોદરા દારૂ ઝડપાયો: ગ્રામ્ય વિસ્તારમાં દારૂની હેરાફેરી કરતા તત્વો સામે પોલીસે સપાટો બોલાવ્યો છે. સાવલી પોલીસ સ્ટેશનની ટીમે વસંતપુરા ગામમાં બાતમીના આધારે વોચ ગોઠવી લાખો રૂપિયાનો વિદેશી દારૂ ભરેલી કાર ઝડપી પાડી છે.
શું છે વિગત? ૨૮ નવેમ્બરની સવારે સાવલી પોલીસ પેટ્રોલિંગમાં હતી ત્યારે ચોક્કસ બાતમી મળી હતી કે એક કારમાં દારૂની હેરફેર થઈ રહી છે. જેના આધારે પોલીસે વસંતપુરા ગામની સીમમાં નાકાબંધી કરી હતી. આ દરમિયાન ત્યાંથી પસાર થતી સ્વિફ્ટ કાર (GJ-01-HK-1683)ને રોકીને તલાશી લેતા અંદરથી વિદેશી દારૂનો ખડકલો મળી આવ્યો હતો.
કબજે થયેલ મુદ્દામાલ: પોલીસને કારમાંથી લંડન પ્રાઈડ પ્રીમિયમ વ્હિસ્કી (બ્લુ)ની ૧૮૦ મિલીની ૬૭૫ બોટલ અને ઓરેન્જ ફ્લેવરની ૨૪૦ બોટલ મળી આવી હતી. આ ઉપરાંત સુપર સ્ટ્રોંગ બીયરના ૪૮ ટીન પણ જપ્ત કરાયા છે. પોલીસે ૨.૮૧ લાખનો દારૂ, ૨ લાખની કિંમતની કાર અને ૫૦૦ રૂપિયાનો મોબાઈલ મળી કુલ રૂ. ૪,૫૧,૭૫૬નો મુદ્દામાલ કબજે લીધો છે.
પોલીસ કાર્યવાહી: ગાંધીના ગુજરાતમાં દારૂબંધીનો કડક અમલ કરાવવા માટે સાવલી પોલીસે પ્રોહિબીશન એક્ટની વિવિધ કલમો હેઠળ ગુનો દાખલ કર્યો છે. આ દારૂનો જથ્થો અમદાવાદ પાસિંગની ગાડીમાં ક્યાંથી આવ્યો, કોનો હતો અને કોને પહોંચાડવાનો હતો, તેની ઝીણવટભરી તપાસ હાથ ધરવામાં આવી છે. ઉલ્લેખનીય છે કે, ગ્રામ્ય વિસ્તારોમાંથી પસાર થતા માર્ગોનો ઉપયોગ બુટલેગરો હેરાફેરી માટે કરતા હોય છે, જેને ડામવા પોલીસ સતર્ક છે.
સમાચાર માટે જોડાઓ અમારા WhatsApp ગ્રુપ સાથે https://whatsapp.com/channel/0029Vb6fknQ89inqYaFp2b3l
