દુમાડ શાળા: વંદે માતરમ્ ૧૫૦ વર્ષ અને સ્વદેશી અભિયાન

વડોદરા: વંદે માતરમ્ ૧૫૦ વર્ષ ઉજવણી, સ્વદેશી અભિયાન

વડોદરા વંદે માતરમ્: વડોદરા જિલ્લાના દુમાડ ગામની પ્રાથમિક શાળામાં આજરોજ રાષ્ટ્રપ્રેમ, આસ્થા અને સ્વાવલંબનના ત્રિવેણી સંગમ સમાન એક ભવ્ય કાર્યક્રમનું આયોજન કરવામાં આવ્યું હતું.

પ્રસિદ્ધ રાષ્ટ્રીય ગીત ‘વંદે માતરમ્’ની રચનાના ૧૫૦ વર્ષ પૂર્ણ થવાના ઐતિહાસિક અવસરની ઉજવણી નિમિત્તે આ કાર્યક્રમ યોજાયો હતો.

આ પાવન પ્રસંગે વડોદરા જિલ્લા પંચાયતના આરોગ્ય સમિતિના ચેરમેન શ્રી નરેન્દ્રભાઇ રોહિતે વિશેષ ઉપસ્થિતિ આપી હતી. તેમણે વિદ્યાર્થીઓ અને ગ્રામજનોને રાષ્ટ્રભાવના સાથે જોડીને ‘હર ઘર સ્વદેશી, ઘર ઘર સ્વદેશી’ અભિયાન વિશે વિગતવાર સમજ આપી હતી.

તેમણે સ્વદેશી ઉત્પાદનોના ઉપયોગના મહત્વ પર ભાર મૂક્યો અને દેશના આર્થિક સ્વાવલંબનમાં દરેક નાગરિકના યોગદાનની અનિવાર્યતા સમજાવી.

આ કાર્યક્રમમાં ગામના સરપંચ શ્રીમતી કલ્પનાબેન ચૌહાણ, શાળાના તમામ શિક્ષકો, આરોગ્ય શાખાનો સ્ટાફ, તલાટી કમ મંત્રી તથા શાળાના ઉત્સાહી વિદ્યાર્થીઓ મોટી સંખ્યામાં ઉપસ્થિત રહ્યા હતા. સૌએ એકસાથે રાષ્ટ્રીય ગાન (વંદે માતરમ્) કરીને માતૃભૂમિ પ્રત્યેનો આદર અને ગૌરવ વ્યક્ત કર્યો હતો.

આ ઉજવણીએ વિદ્યાર્થીઓમાં રાષ્ટ્રપ્રેમની ભાવનાને વધુ મજબૂત બનાવી હતી અને તેમને દેશના ગૌરવશાળી વારસાથી પરિચિત કરાવ્યા હતા. આ પ્રસંગ રાષ્ટ્રપ્રેમ અને રાષ્ટ્રીય સ્વાવલંબનના સંદેશ સાથે સમાપ્ત થયો.

જય હિંદ! વંદે માતરમ્!

રિપોર્ટર: મહેન્દ્ર સોલંકી, વડોદરા

સમાચાર માટે જોડાઓ અમારા WhatsApp ગ્રુપ સાથે https://whatsapp.com/channel/0029Vb6fknQ89inqYaFp2b3l